Sunday, January 1, 2012

         പോം വഴികളെല്ലാം അണകെട്ടി നിര്‍ത്തുമ്പോള്‍ .........
                                                                       
                                                         വലിയൊരു  അപകടത്തെ യുദ്ധം ചെയ്തു സംരക്ഷിക്കുന്നത് ലോകത്തെവിടെയെങ്കിലും നിങ്ങള്‍ കണ്ടിട്ടുണ്ടോ ? ഇല്ല എങ്കില്‍ മുല്ലപെരിയാര്‍ ഡാം സംരക്ഷിക്കപെടുന്നത് കാണണം .30 ലക്ഷം വരുന്ന ജനതയേയും ഒരു വലിയ ഭൂ വിഭാഗത്തെയും തുടച്ചു നീക്കാന്‍,ചരിത്രമാക്കാന്‍ ശേഷിയുള്ള ഒരു ജലബോംബായി മുല്ലപെരിയാര്‍ ഡാം മാറികഴിഞ്ഞു .എന്തൊക്കെ സംഭവിച്ചാലും കൊള്ളാം 999 വര്‍ഷത്തെ കരാര്‍ കഴിയാതെ ഒരു കല്ലിളക്കാന്‍ സമ്മതിക്കില്ലന്നാണ് ആരാന്റെ പറമ്പിലെ പുല്ലു കണ്ടു പശുവിനെ വളര്‍ത്തുന്ന തമിഴ് പോരാളികള്‍ പറയുന്നത് .
               മലയാളിയെ കണ്ടാല്‍ തല്ലുക വീടും കടയും കത്തിക്കുക, KSRTC ബസ്സിനു കല്ലെറിയുക എന്നിവയാണ് യുദ്ധ മുറകള്‍ .ഭരണ - പ്രതിപക്ഷ വ്യത്യാസമില്ലാതെ കേരള അതിര്‍ത്തിയിലേക്ക്  പ്രകടനങ്ങള്‍ നടത്തും , മന്ത്രി തന്നെ വന്നു  ഐക്യദാര്‍ഡ്യം പ്രഖ്യാപിക്കും , അതിര്‍ത്തിയില്‍ സംഘര്‍ഷം നടക്കുമെന്ന് മുന്‍കൂട്ടി കാണാത്തതിനു സ്ഥലം S.P യെ  തമിഴ്നാട്‌ മുഖ്യമന്ത്രി സ്ഥലം മാറ്റും .മറ്റു ചില തീപ്പൊരി നേതാക്കളുണ്ട്  അതിര്‍ത്തിയില്‍  സംഘര്‍ഷം ഉണ്ടാക്കും അതിര്‍ത്തി ലംഘിക്കാന്‍ ശ്രമിച്ചു അറസ്റ്റ് വരിക്കും .സിങ്കങ്ങലാനവര്‍ , പുലി എന്നാണ് വിളിക്കേണ്ടത് .പേടി കൊണ്ടാണ് അതോഴിവാക്കിയത് . 

             കേന്ദ്ര സര്‍കാരിനെ എങ്ങനെ കൈകാര്യം ചെയ്യണമെന്നും തമിഴ്നാടിനറിയാം. വലിയ സര്‍വകക്ഷി സംഘങ്ങളുടെ  പൊറാട്ട് നാടകത്തിനു ഒരുപാടൊന്നും ചെയ്യാനില്ലന്നും,ചെയ്യേണ്ടത് വരുന്ന വിദഗ്ധ സംഘങ്ങളെ  സ്വാധീനിക്കുകയാന്നെന്നും അവര്‍ക്കറിയാം. ഇതാ അവസാനം സുപ്രീം കോടതി അയച്ച  വിദഗ്ധ സംഘം    ഏകപക്ഷീയ സമീപനമാണ് പുലര്‍ത്തുന്നതെന്നും ബലക്ഷയം പഠിക്കാതെ അണക്കെട്ട് ബലപ്പെടുത്താനുള്ള സൂത്രം തമിഴ്നാടിനു പറഞ്ഞുകൊടുതതിനും   കേരളം പിണങ്ങി... നാല് വഴിക്കും കത്തുകളയച്ചിട്ടുണ്ട്  സമാധാനം !!!!

                അധികം സംസാരിക്കരുത് ,പ്രകടനം നടത്തുന്നതും പോസ്റ്റര്‍ ഒട്ടിക്കുന്നതും വളരെ മോശം .കാരണം കേരളീയര്‍ സംസ്‌കാര സമ്പന്നരാണ് ,വിദ്യാഭ്യാസമുള്ളവരാന്നു.ഈ കാരണം പറഞ്ഞു കടമകളില്‍ നിന്നും പ്രതിഷേധിക്കുന്ന തെരുവില്‍ നിന്നും ഒളിച്ചോടുന്ന ഏക ജനവിഭാഗവും കേരളീയര്‍ മാത്രമാകും...തമിഴ്നാട്  മുഖ്യമന്ത്രിയെപോലെ തന്നെ കേരള മുഖ്യമന്ത്രിയും ഭരണ - പ്രതിപക്ഷ നേതാക്കന്മാരും ഇരു സംസ്ഥാനങ്ങളിലും സമാധാനം പുലരന്നമെന്നാഗ്രഹിക്കരുതെന്നു ആരും പറയുന്നില്ല.ഒറ്റപ്പെട്ട അതിക്രമങ്ങള്‍ കേരളത്തിന്റെ ഭാഗത്ത്‌ നിന്നും ഉണ്ടായി .സംഭവിക്കാന്‍ പാടില്ലാത്തതായിരുന്നു .അത് ഇനി ആവര്‍ത്തിക്കാതിരിക്കാന്‍ വേണ്ടത് ചെയ്യുക തന്നെ വേണം.
                
               സംഘര്‍ഷങ്ങള്‍  ഒഴിവാക്കാന്‍ കഴിയുന്നതെല്ലാം ചെയത് കുറെ കത്തുകളും അയച്ചിരുന്നാല്‍ അണക്കെട്ട് ബലപ്പെടുമെങ്കില്‍ നാം ഏതാണ്ടെല്ലാം ചെയ്തുകഴിഞ്ഞു .നിരന്തരം കേസുകള്‍ തോല്കുന്നതില്‍ നിന്നും ഇടയ്ക്ക് നമുക്ക് വിജയം നേടാനും കഴിഞ്ഞു .ഇനി നട്ടെല്ലോടെ ജീവിക്കാന്‍ തീരുമാനിച്ചാല്‍ കേരളത്തിന്‌  മുന്നില്‍ ഒരുപാട് വഴികളുണ്ട് .നേതാക്കന്മാര്‍ ഭരണ-പ്രതിപക്ഷ വ്യത്യാസമില്ലാതെ കേരള ജനതയ്ക്ക് മുന്നില്‍ നില്‍ക്കാന്‍ തീരുമാനിക്കുന്നിടത്തവസാനിക്കും മുല്ലപെരിയാര്‍ ഡാമില്‍ സംഭവിച്ചേക്കാവുന്ന വലിയ ദുരന്തം.
               
               അയ്യോ ! ഞാന്‍ അതോര്‍ത്തില്ല ,തേനിയിലും കമ്പംമേട്ടിലുമായി വസ്തുവകകലുള്ള തമിഴ്നാട്ടില്‍ അനേകം സ്ഥാപനങ്ങളും പലതിലും ഓഹരികളുമുള്ള  കേരളത്തിലെ നേതാക്കന്മ്മരെങ്ങനാണ്  സമരം നയിക്കുക .മാത്രവുമല്ല ശ്രീമതി .ജയലളിത ചില കണക്കുകളും കാര്യങ്ങളും പുറത്തു വിടുമെന്ന് ഭീഷണി പെടുത്തുകയും ചെയ്യുന്നു...

   അപ്പോള്‍ പിന്നെ മലയാളി വലിയ പ്രതീക്ഷയൊന്നും വേണ്ട!!!!

 ഒന്നും സംഭവിക്കില്ലെന്ന് വെറുതെ അങ്ങ് വിശ്വസിക്കണം , ചുമ്മാ..........  
              




                                                                        





No comments:

Post a Comment